Xornadas de creación e investigación Illa de San Simón
xuño 2012

Como parte do programa das Xornadas de creación e investigación Illa de San Simón, os dias 21 e 22 de xuño, fomos invitados a organizar dous obradoiros de arte e tecnoloxía dirixidos ao alumnado dos distintos mestrados que se imparten na Facultade de Belas Artes de Pontevedra. Baixo a temática DIY Tecnoloxías accesibles/transparentes para investigadores e artistas, programamos un obradoiro de iniciación á electrónica do son impartido por Paula Pin Lage e outro sobre softcircuits e pintura termocromática impartido por Paola Guimeráns.

Como complemento aos obradoiros e no contexto das xornadas académicas do dia 23 de xuño, organizamos tamén, unha pequena mesa redonda para presentar o traballo das dúas artistas, na que ademais participaron Horacio González, que presentou o proxecto europeo no que está participando Escoitar, European Acoustic Heritage, e Xoan Xil como moderador.

 mais

Unidade Didáctica Celso Emilio Ferreiro
abril 2012
http://www.vhplab.net/cef/

Esta unidade didáctica para o Proxecto Abalar sobre o escritor e poeta galego Celso Emilio Ferreiro foi desenvolvida en colaboración con Ouvirmos S.L e Ramón Nicolás, como parte dun conxuto de actividades promovidas por Ouvirmos, que inclúen á páxina web da Fundación Celso Emilio Ferreiro, un punto de información multimedia e a edición dunha Fotobiografía Sonora do autor. Todas elas levadas a cabo con motivo do centenario do nacemento do autor no contexto do Ano Celso Emilio Ferreiro.

 mais

Serendipia
marzo 2012
http://www.serendipia.notours.org/

Serendipia é unha narrativa sonora xeolocalizada no cemiterio civil de Ceares de Xixón, creada pola artista Helena Torres. Tratase dun relato fragmentado e gravado en distintas pistas sonoras localizadas no Sucu que propón a resolución dun crimen acontecido en Xixón a finais do século XIX.

Serendipia é una obra producida a través dunha residencia artística en LABoral Centro de arte y creación industrial e presentada no marco do seu quinto aniversario, tras ser seleccionada no programa Narrativas espaciales. Utiliza a plataforma de creación de paseos sonoros para dispositivos móviles Android, noTours, desenvolvida por Escoitar.org dende xaneiro de 2009 e aberta para o uso público en xaneiro de 2012.

 

Ulobit
marzo 2012
http://www.ulobit.net/

Ulobit é un trío de música experimental formado tralo encontro de Horacio González Diéguez e Xoan Xil de Escoitar con Ariel Ninas de aCentral Folque, que en outono de 2011, despois dunha dilatada experiencia en ámbitos próximos á antropoloxía musical e a paisaxe sonora, deciden combinar a súa experiencia, para xerar unha nova proposta baseada na improvisación, a experimentación, a música incidental e os ritmos minimalistas.

 mais

PNG - 96 KB
iMine
novembro 2010
http://i-mine.org/

iMine é un vídeo xogo artístico/experimental que actúa como un portal cara ás vidas humanas que hai detrás da pantalla que estás lendo agora mesmo!

No xogo converterasche nun traballador dunha escavación mineira de valiosos compoñentes minerais necesarios para a electrónica de hoxe en día: estaño, tungsteno ou tantalio. Imaxinas cal é a relación entre ditos minerais e o teléfono que tes nas túas mans? Algunha vez oíches falar dos minerais conflito? Como mineiro, en iMine terás que traballar duro para facer fronte a unha situación difícil, tratar de gañar un pouco de diñeiro e cavar de xeito que os soldados que administran a mina, non se enfaden!

Non é posible gañar en iMine, só podes sobrevivir o maior tempo posible. Esta é a escura realidade de centos de miles de mineiros que traballan en condicións difíciles, perigosas ou ata mortais, para conseguir algúns dos compoñentes minerais imprescindibles para a electrónica e a alta tecnoloxía actual en todo o mundo.

 

0 | 5 | 10 | 15 | 20 | 25

2015 VHPLab. I 2014 I 2013 I
Español I English