Xornadas de creación e investigación Illa de San Simón
Como parte do programa das Xornadas de creación e investigación Illa de San Simón, os dias 21 e 22 de xuño, fomos invitados a organizar dous obradoiros de arte e tecnoloxía dirixidos ao alumnado dos distintos mestrados que se imparten na Facultade de Belas Artes de Pontevedra. Baixo a temática DIY Tecnoloxías accesibles/transparentes para investigadores e artistas, programamos un obradoiro de iniciación á electrónica do son impartido por Paula Pin Lage e outro sobre softcircuits e pintura termocromática impartido por Paola Guimeráns.
Como complemento aos obradoiros e no contexto das xornadas académicas do dia 23 de xuño, organizamos tamén, unha pequena mesa redonda para presentar o traballo das dúas artistas, na que ademais participaron Horacio González, que presentou o proxecto europeo no que está participando Escoitar, European Acoustic Heritage, e Xoan Xil como moderador.
Xornadas de creación e investigación Illa de San Simón at flickr
|
No obradoiro Circuítos sonoros; iniciación á electrónica do son abordouse a construción dun micrófono de contacto ou piezoeléctrico, duns micrófonos binaurais autoalimentados feitos con cápsulas electret e dun sintetizador de audio. A continuación podedes atopar algunhas referencias e tiroriais web sobre a tecnoloxía utilizada e o traballo desenvolvido durante as dúas xornadas de traballo.
- Titorial de microfonía (Paula Pin)
- Titorial de microfonía (Xoan Xil)
- Performance de Escoitar con micrófonos piezoeléctricos
- Consellos para facer grabacións de campo
- Outros obradoiros de Paula Pin
- 4093 NAND Synth (sintetizador montado durante o obradoiro)
- Vídeo 4093 NAND Synth
Outros sintetizadores
No obradoiro SoftCircuits; pintura termocromática adicouse unha primeira xornada á realización de circuítos sinxelos para acender e apagar leds e á experimentación con materiais que se utilizan no contorno da Wearable Technology (fios e telas conductoras, cinta de cobre, pintura semirresistiva, etc.). Pola contra a segunda xornada do obradoiro adicouse a traballar en pequenos proxectos artísticos que utilizaban tinta termocromática activada por medio dun circuíto electrónico. Tamén podedes atopar referencias sobre este obradoiro a continuación.
- SCRAPYARD CHALLENGE AND SOFT CIRCUITS: INTRODUCING ELECTRONIC HARDWARE DESIGN AND ELECTRONICS TO ARTISTS AND DESIGNERS WITHIN AN EDUCATIONAL SETTING, K. Moriwaki, P. Guimerans, C. Elguero, J. Brucker-Cohen. (Abstract)
- Interactive Painting Techniques
- How to get what you want
- Open Materials
- Soft Circuits
- Sérigraphie Électronique
+ INFO das xornadas: DUVI, Diario Atlántico.