Obradoiros de Arduino Estalmat

sábado 7 de novembro do 2015, por Horacio González Diéguez

Todas as versións deste artigo : [Español] [galego]

Esta semana comezamos unha serie de obradoiros de Arduino para rapaces e rapazas de 12 a 16 anos, organizados pola Asociación de Amigos de ESTALMAT Galicia. A proposta consiste en que os participantes no Proxecto para o Estímulo do Talento Matemático, que se desprazan a Santiago de Compostela para asistir a actividades de formación na Facultade de Matemáticas da USC, os sábados pola mañá, podan asistir, ademais, a un obradoiro de Arduino de dúas sesións, durante algunhas das tardes.


Na liña dos obradoiros de Arduino con Pduino que impartimos con anterioridade, o obxectivo das dúas sesións de clase que desenvolveremos con cada grupo é ofrecer un achegamento atractivo e sinxelo ás posibilidades creativas do dispositivo, evitando programar directamente a placa e desenvolver un pequeno proxecto creativo. Nesta ocasión, o proxecto será unha pequena máquina para debuxar inspirada no Armonógrafo, que se levará cada alumno e alumna que participe xunto cun kit de iniciación a Arduino.

Acerca do Armonógrafo no blog La aventura de a ciencia
Harmonograph - A Visual Guide To The Mathematics Of Music, Anthony Ashton
How to Make a Three-Pendulum Rotary Harmonograph

A continuación publicamos as prácticas que desenvolvemos para o obradoiro, adaptadas para cada un dos compoñentes do kit, xunto cunha versión estendida de pduino que contén obxectos, que se comunican directamente cos compoñentes electrónicos das prácticas, e todos os materiais que utilizaremos no obradoiro.

Recursos Didácticos

Presentación do obradoiro en pdf
Proxecto Caixas de Son
Prácticas do Obradoiro adaptadas ao kit
Modelos 3D para utilizar nas prácticas
Pduino extended for Arduino workshops (Ultima versión de Pduino cos obxectos que utilizamos no obradoiro e os últimos cambios)

Proxecto final do obradoiro, o Espirografo

Descargar info document de Horacio González Diéguez en formato PDF (89.4 KB)

CC by-nc-sa

Explicación acerca de como conectar a placa Arduino con Pduino e axustar os obxectos que controlan os dous motores servo do espirógrafo.

Explicación acerca de como xerar patróns e debuxos co espirógrafo utilizando un metrónomo que envía pulsos, un obxecto que envía valores de 0 a 1 e delays.

Imaxes do obradoiro

Obradoiro Estalmat at flickr
2015 VHPLab. I 2014 I 2013 I
Español I English