1. Debuxa unha circunferencia calquera no medio da pantalla e traza unha recta que pase polo seu centro.
2. Traza duas perpendiculares á dita recta; unha polo centro da circunferencia e outra por unha das interseccións coa circunferencia.
3. Agora traza unha paralela á recta inicial por unha das interseccións da primeira recta perpendicular coa circunferencia.
4. As catro interseccións das rectas forman un cadrado, debúxao coa ferramenta "Polígono" empezando polo centro da circunferencia e seguindo o sentido contrario das agullas do reloxo.
5. Debuxa unha circunferencia co centro no punto medio da base do cadrado e o raio ata o seu vértice superior dereito.
6. Traza unha semirrecta coa súa orixe no vértice inferior esquerdo do cadrado e que pase polo vértice inferior dereito. A continuación debuxa unha recta perpendicular a dita semirrecta pola súa interseccion coa circunferencia.
7. Debuxa unha segunda circunferencia co centro na intersección da semirrecta e a primeira circunferencia, e raio ata o vértice inferior dereito do cadrado. Traza unha recta paralela á semirrecta pola intersección superior da segunda circunferencia coa recta perpendicular.
8. Agora imos debuxar un segundo cadrado coa ferramenta "Polígono". ¡Ollo, ten moito coidado de facelo na mesma orde e sentido que se indica!
Primeiro o vértice inferior dereito. A continuación, seguindo sentido contrario as agullas do reloxo, o vértice superior dereito. Despois o vértice superior esquerdo. E finalmente, o vértice inferior esquerdo.
9. Traza unha circunferencia co centro no vértice superior esquerdo do segundo cadrado e raio ata o vértice superior dereito. A continuación debuxa a diagonal do cadrado que vai do vértice superior esquerdo ó vértice inferior dereito e calcula a súa intersección coa circunferencia. E por último, debuxa o arco de circunferencia que queda inscrito no segundo cadrado.
11. Desoculta os catro vértices do primeiro cadrado para poder debuxar nel un arco de circunferencia que enlace co arco do segundo cadrado.
12. Traza unha circunferencia co centro no vértice superior dereito do primeiro cadrado e raio ata o vértice superior esquerdo. A continuación debuxa a diagonal do cadrado que vai do vértice superior dereito ao vértice inferior esquerdo e calcula a súa intersección coa circunferencia. E por último, debuxa o arco de circunferencia que queda inscrito no primeiro cadrado.
13. Aplica a macro que acabas de crear sobre o segundo cadrado pulsando unha vez sobre o mesmo. Esta debuxará automaticamente un terceiro cadrado xunto co seu arco de circunferencia enriva do segundo cadrado.
