Proyectos

O propósito deste obradoiro foi aproveitar as facilidades que ofrece Pure Data á hora de traballar con Arduino utilizando Pduino para comunicarse coa placa a través do porto se serie e, por outra banda, abordar a posibilidade de establecer dito sistema de comunicación utilizando unha placa Raspberry en lugar dun ordenador, o que permite a creación de proxectos autónomos nos que toda a electrónica estea integrada como instrumentos ou interfaces electrónicas musicais. Aínda que existe unha distribución dun sistema operativo para Raspberry deseñada especificamente para desenvolver este tipo de proxectos chamada Satellite que vos convidamos a probar, no obradoiro utilizamos Raspbian, o sistema operativo oficial de Raspberry e instalamos Arduino IDE e Pure Data a través do terminal. Neste artigo vos achegamos todos os materiais que utilizamos durante o mesmo e as instrucións detalladas acerca de como facer a instalación.

PlayerMap é un mashup creado para publicar e compartir gravacións de campo a través de mapas sonoros. Proporciona un marco de traballo moi amigable para colectivos e grupos interdisciplinares, xa que está baseado en SoundCloud e moitas persoas están familiarizadas con este popular portal para publicar e compartir música a través de Internet. Está publicado baixo licenza licencia GNU GPL e calquera persoa pode utilizalo para crear o seu propio mapa sonoro.

Despois da reorganización da web que fixemos coa creación da sección Código, presentamos a nova páxina do proxecto.

Esta semana comezamos unha serie de obradoiros de Arduino para rapaces e rapazas de 12 a 16 anos, organizados pola Asociación de Amigos de ESTALMAT Galicia. A proposta consiste en que os participantes no Proxecto para o Estímulo do Talento Matemático, que se desprazan a Santiago de Compostela para asistir a actividades de formación na Facultade de Matemáticas da USC, os sábados pola mañá, podan asistir, ademais, a un obradoiro de Arduino de dúas sesións, durante algunhas das tardes.

Herm3TICa é un proxecto de investigación en Artes escénicas e Artes Visuais a través das novas tecnoloxías, desenvolvido polo laboratorio de Alg-a en colaboración coa Fundación CEER, o espazo de Danza de a USC, Laboratorio de Luz, Kònic Thtr, Axouxere Editora e Poetry Slam Mallorca. O proxecto toma como puntos de partida o Tarot, o Esquizoanálisis e a reformulación do concepto de hermetismo, propoñéndose como obxectivo, a creación de un espazo de experimentación no que o cerrado fisicamente abrase a través de cámaras e sensores, a través da interactividade e a telepresencia; o Laboratorio herm3TICo de performance.

Acabamos de presentar o número #3 de P L É T O R A mediante unha festa sobre os contidos editoriais da revista en Espazo Sirvent con Sinsal Audio, na que fixemos o lanzamento de P L É T O R A LIMITED EDITIONS by Jorge Perianes & Tayone, unha serie de camisetas de artista producidas grazas a Do Paraná, Espazo Serigráfico. Pese a súa corta vida, apenas tres números, esta revista galega creada para a reflexión critica sobre as artes visuais e as artes vivas na rede, coa que colaboramos dende finais de 2012, apostou no seu terceiro número por unha liña editorial de internacionalización dos contidos, incorporando colaboradores de gran recoñecemento como, Cuauhtémoc Medina, Martí Manen ou Beatriz Preciado. Esperamos que P L É T O R A siga ofrecéndonos gratas sorpresas e que a nosa axuda servise para consolidar a revista.